紅疹克星之蛇粉
話說護老院內長者十之八九身體孱弱，免疫系統弱，抵抗力當然低。於是，凡任何院友感染疾病，極易即時擴散。尤其天氣急劇轉變，包括由冷轉熱、熱轉冷、乾轉濕及濕轉乾。傷風咳嗽視作等閒，肺炎亦絕不罕見。還有，就是皮膚病。真菌、疣及紅疹極易傳染。
小弟老媽子正於上月中招，出滿全身紅疹，慘咯，真真「好痕呀好痕痕」，不停自抓，抓到部分皮膚出血。醫生不外乎處方抗生素及類固醇，兼且，最無奈，要將老人家兩手綁起，又或，用手套套上，以免進一步抓傷，令皮膚病惡化，搞兩個星期都無符。作為兒子，除急外，四出問道於中西醫老友，意見五花八門，最實際及有共識，為——保持令壽堂皮膚乾爽，除服藥外，洗澡後，要多拍爽身粉吸水分。
易啦，即刻去買，行前，問問護老院內資深助理，佢細細聲話：「你呀，千祈唔好話我畀意見呀，費事越權啦。不過，幾十年經驗，發覺爽身粉咪以為貴及美國佬名牌就好，其實有隻『蛇粉』最有效，我都唔知佢叫乜名，總之東南亞國家出，有條蛇做標誌，十幾蚊就係。」
速速走到藥房，道明話想買「蛇嘜爽身粉」，售貨員隨手從架上下一罐，十四大元，只是J字頭名牌三分一價錢！睇睇，原來叫做「St. Luke's Prickly Heat Powder」聖樂熱痱香粉，用條蛇加支箭做商標。
速速買回護老院，請護士及助理替老媽沖完涼，就全身拍呢隻「蛇粉」。結果，唔到你唔服，薑是老的辣，資深助理果然經驗豐富，兩日後老媽的紅疹已大為改善。同時，亦解決護老院其他院友問題，因為個個開始拍呢隻爽身粉。
聖樂熱痱香粉 St. Luke’s Prickly Heat Powder
用此香粉爽身後，即有清涼舒暢之感，又能預防，緩和及減少皮膚之熱刺，熱痱和煩癢及剃髮之刺痛
每日塗搽三至四次、適用於男女老幼
St. Luke’s Prickly Heat Powder…郵購網址
https://www.amazon.com/St-Lukes-Snake-Brand-Prickly-Original/dp/B00O6YRIU6
以上健康訊息提供給各位參考
留言列表
